كنت احسب إن كل البنات مثلك بنات

سلمى ...!! وش دعــوى فديتك ...؟! وش هالدمــوع ...؟! أحلى من دمــوع السحـــاب ...!! وانا ذبح قلبي الجفـــاف ... وأنتي مطــر ...!! بس الزعل ممنوع ...!! وحتى البكاء ممنوع ...!! وما بي دموع إلا إذا هذا دلع ...؟! وانا حياتي بالدلع ...!! إبكي بعد ... وإبكي بعد وزيدي بكاء ... خليني اتلذذ وانا اطلب رضاك ... الله ... يا محلى الرضاء عقب الزعل ...!! بالذات إذا سلمى زعلت ... وردت رضت ... كلش يصير ...!! ينزل مطر ... وينبت زهر ... وتغني طيور الربيع ...!! وآخذ من دموعك عطر ...!! واموووووت بظلالك وانا اشرب من هواك ... وأكتب على كفك ثلاث حروف ... تبقى سر ... يااااااااااااااااااااه وش ذاك الـ " خصر ...؟! " كنت احسب إن كل البنات مثلك بنات ...!! أثرك " بنات " ...!! طفلة غرام ... ماعاهدت غيري أحد ...!! تضحك إذا جتني وتمووووت ... وإذا مسكت كفي بكت ...!! وخدودها مثل الجمر ... يوووووووووووه ... وش ذالحياء ...؟! وفديت كشرتها ... إذا مالت شفايفها وهي تضحك بكيت ...!! والله عليها بس إذا عضت شفاة ... تموت في قلبي هموم .... وتظهر على وجهي الحياة ...!! " كل البنات سلمي " وسلمي بعد كل البنات ...!! منديلها ... وروجها ... وفستانها الاسود ... وسلسالها ... وشيٍ كثيييير ... مقدر اقوله ياااااااااااااااه لوقلتها ... وربي يحوسوني البنات ...!! وما لومهم ... الغيرة ملعونة جدف ...!! بالذات مابين البنات ...!! سلمى ... يسعدلي عيونك وعيون من جابوك ... وعيون جيرانك بعد ...!! وين الوعد ...؟! طافت على الموعد ثواني ...!! والعادة القاك قبل الوعد ...!! تدرين وش معنى ثواني بدون سلمى ...؟! وخزة ألم ... وخزة عذاب ... وخزة قهر ...!! وإنسان مستعجل ولازم ينتظر ...!! الثانية في غيبتك تاصل شهر ...!! أستغفر الله ... أقصد دهر ...!! والادهى منهم والأمر ... ليلٍ طويييييييل ... وعنوانه الأسود " سهر ...!! " وانا إذا غبتي ضرير ... اجلس تحت سور القهر ... واسمع خطاوي الناس ... وانطر خطوتك ...!! أعرفها زين ...!! يسبقها عطرك ... يفووووووووووح ... ادري تسمينه عرق ... وانا اعرف إنه عطر ...!! الله ياذاك العرق ... يا مطهره ... اقصد يا محلى ها العطر ...!! سلمي ... كلش يموت إلا هواك ...!! يبقى حروف ... أنقشها في جوف الصخر ...!! عاد وثمود ماتوا ... وحروفهم لليوم نقراها جميع ... وعشقي لسلمى ما يموت ...!! إلا إذا مات القمر ...!! سلمى ... الله ... لو ذقتي الهوى ... تدعين لي ...!! أحلى من الجمرة إذا هاج الشتاء واحلى ظلال المصيف واحلى من شفاة البنات والله يـ هو شيء ...!! خليك من بعض الكلام ... وخليك من نوح الحمام هم يحسبون إن الحمام ينوح من حر الهوى ...!! لا ... لا ... ما ناحت الورقى من هيام الغرام ... تنوح تبي الهوى ... تبي العشير ... وإذا عشقت ... قامت تلعلع بالطرب ... والناس ما يدرون ...!! الورق اعرفه زين ... شربت من حوض الغرام ... وهو بعد مثلي شرب ...!! سلمى تقول إن الهوى مررررة " جنان ...!! " أنتي الجنان ...!! وانتي الهبال ...!! وأنتي الحلا والملح وآيات الجمال ...!! وسلمى تقول إني وسيم ...!! بعيونك الحلوة ... نعم وبعيون غيرك ما أبي ...!! أبيني بعيونك وسيم ... وابيني بعيونك أنا كل الرجال ...!! فديتها يوم همست لي في حياء ... تقول ابا اسئل لي سؤال ...!! قلت إسئلي ...!! قالت " هويت قبلي أحد ...؟! " قلت الهوى بالقلب ...؟! قالت لي صحيح ...!! قلت واحيان يرقى للعقل ...؟! قالت صحيح ...!! قلت أنا قبلك مالي قلب ...!! واعيش في بحر الجنون ...!! معقوله اعشق في يدي ...؟! وانا بلا قلب وعقل ...؟!! وتبسمت ...!! وكنا بـ ليل ... وحسيت بالشمس طلعت ... من جد ... وحتى ظهر لزوالنا مثل الظلال ...!! من جد هذا اللي حصل ... وحتى الدليل مابان لاظلمى ولا حتى قمر والله ولا شفنا هلال ...!! ما ادري ليش ...؟! يمكن عشان سلمى ظاهرة ... وهم يستحون ...؟! بس الاكيد ... سلمى القمر ... والشمس .... وآيات الجمال ... فديتها ...!! وهم بعد فدوة سواد عيونها ...!! سلمى ... وش تاليها معاك ...؟! أدري بـ نموت ... بس القهر من تابس شفاهه عطش وهو على جال الغدير ياكرهي والله للظمأ ... وأنتي غدير وشفاهك الغضة كرز ... والدم توت ... وإذا عرق كفك عطر ...!! وخدودك الحمراء رطب وريقك عنب والخصر موووت والصدر يرقد به بدر وخشمك هلال واذا تكلمتي دلال واذا تخصرتي دلع وانا معي كاس الصبر ... أشرب ... واصب ... إلين ضيعني الولع ...!! ومع كل هذا لامني فيك الضعيف ... اللي عجز لا يعشقك ...!! اللي حفت رجله وراك ...!! خليه ...! با كر يموت من الظمأ ... وانا على جال الغدير ... أشرب وأغني ... واقهره ...!! وارفع عيوني للسماء ... واقول يارب إكتفيت ... ارضى علي ... وإرضى على سلمى بعد ...!! ومتعني عُمر بعشقها...!! يارب مابي غيرها ... وخل البني ... ماليبهم من عقب سلمى ...!! وربي كريم ...!! وإن شفت غيرك يالغدير عسى عيوني للعماء ...!!

عنيزاوي حنون معجب بهذا

فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..!
طًرّحٌ مٌخملَي ..,
كُلْ شَئَ مختلفْ هُنــا
يعطَيكـً العآفية ..ولـآحرَمنآ منَكـً
بإنتظَآرَجَديِدكًـ بشغفَ

ابدعت في انتقاء موضوعك
سلمت اناملك ع الطرح الراقي
راق لي ما راق لك
ربي يعطيك الف عافيه
في انتظار كل جديدبكل شوق
تحيتي ...

شكرآ جزيلا على الموضوع الرائع و المميز

واصل تالقك معنا في المنتدى بارك الله فيك

ننتظر منك الكثير من خلال ابداعاتك المميزة

لك منـــــــ اجمل تحية ــــــــــي

فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..!
طًرّحٌ مٌخملَي ..,
كُلْ شَئَ مختلفْ هُنــا
يعطَيكـً العآفية ..ولـآحرَمنآ منَكـً
بإنتظَآرَجَديِدكًـ بشغفَ

كالعادة ابداع رائع وطرح يستحق المتابعة

شكراً لك بانتظار الجديد القادم

دمت بكل خير

طرح رائع كروعة حضورك
اشكر ك علي روعة ماقدمت واخترت
من مواضيع رائعه وهامة ومفيدة
عظيم الأمتنان لكَ ولهذا الطرح الجميل والرائع
لاحرمنا ربي باقي اطروحاتك الجميلة
تحياااتي

,,~

سلمت آناملك لروعة الطرِح
يعطِـــيكْ العَآفيَـــةْ..

,,~

سلمت ايدك ع الطرح
و الابداع والتواصل المستمر
في نشر الجديد والمفيد
أُحييك على اختيارك الرائع والمميز
تحياتي الك

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام