شكرًا جزيلًا لك يامدري شسميك

#1 12-18-2023, 01:03 AM

شكرًا جزيلًا لك يامدري شسميك
انت امنياتي ..؟ صح انت امنياتي
.
.
وانت اللي احتاجْلك وانت اللي ابيك
تبعثر الدنيا ....... وتجمع شتاتي
.
.
فـ ان شفتني مقبل عليك . افتح يديك
واتركني اجمع ذاتك .. بـ وسط ذاتي
.
.
ولا تروح .. الا يدي ، تمسك يديك
اخاف : لا من رحت .. ماعاد تاتي
.
.
شفت القصايد كلها ؟؟ كلها فيك
يافن : تركيباتي .. ومفرداتي
.
.
في راسي الثابت ، ثبات المماليك
بدري على الدنيا .. تزعزع ثباتي
.
.
الا انت يا مربكني ان جيت احاكيك
معك : ماعاد استخدم ، الا سكاتي
.
.
شف ربكة شفاتي .. ليا جيت اناديك
بـ سمك ، ياول شخص يربك شفاتي
.
.
وتحاتي ... اني بعد فتره بــ اخليك
ياحلو وجهك وانت .. جالس تحاتي
.
.
شكرًا جزيلًا لك يامدري شـ سميك
بس ادري انك شي حلو بـ حياتي !

الإهداءات